ఆర్థికంగా ఆదుకుంటే అంతర్జాతీయ క్రీడాకారిణిని అవుతా

ఆర్థికంగా ఆదుకుంటే అంతర్జాతీయ క్రీడాకారిణిని అవుతా…!

విద్యార్థికి ఆర్దిక సహాయం చేసిన కడియపులంక సర్పంచ్ రాంజీ.

కడియపులంక (కడియం )

రాజమండ్రి రూరల్ బొమ్మూరు ట్రైబల్ పాఠశాలలో విద్యనభ్యసిస్తున్న కె దివ్యశ్రీ ఏ క్రీడలకు వెళ్లినా పతకం రావలసిందే… ఇలాంటి రత్నాలకు ఆర్థిక సహాయం తోడైతే జాతీయ అంతర్జాతీయ క్రీడల్లో పాల్గొని రాష్ట్రానికే కాదు దేశానికే మంచి పేరు ప్రతిష్టలు తెచ్చే సత్తా ఈ విద్యార్థులో ఉంది. అయితే నేపాల్ లో జరిగే అంతర్జాతీయ క్రీడల్లో పాల్గొనేందుకు ఈ విద్యార్థికి అవకాశం రావడంతో ఆర్థికలోటు వలన ఈ క్రీడలకు హాజరవ్వలేకపోతున్నట్లు స్థానికుల ద్వారా తెలుసుకున్న కడియం మండలం కడియపులంక సర్పంచ్ పాఠంశెట్టి రాంజీ వెంటనే స్పందించి ఈ విద్యార్థికి రూ.10 వేలను అందజేశారు. ఈ విద్యార్థి ఉన్నతకి మరింత ఆర్థిక సాయం అందించేందుకు ముందుంటానని హామీ ఇచ్చారు. ఇలాంటి ఆణిముత్యాలను వెలుగులోకి తెచ్చేందుకు ఎవరైనా దాతలు ఉంటే ఆర్థిక సహాయం చేయాలని ఆయన కోరారు. సర్పంచ్ వెంట కట్టా శివ, గాద నాగేశ్వరరావు పాల్గొన్నారు.